הלכות חפץ חייםהלכות רכילות, כלל ה', סעיף ב'
און אויך אויף הערן רכילות איז דאָ אַ גרויסער איסור ווי ביי לשון הרע, אַפילו אויב אין דער צייט פון הערן האָט ער נאָך נישט באַשלאָסן ביי זיך צי ער וועט גלייבן אָדער נישט. אָבער אַלס איינס, דער איסור פון קבלה איז נאָך חמור'ער פון דעם. ווייל וואָס שייך הערן, אויב ער פאַרשטייט פון אָנהייב פון דער מעשה אַז אפשר וועט ער האָבן דערפון אַ תועלת אויף להבא כדי זיך צו היטן פון אַ היזק, איז אים זיכער מותר צו הערן כדי ער זאָל וויסן חושש צו זיין און זיך היטן. און דאָס אַלץ וואָס מען האָט מתיר געווען צו הערן איז נאָר כדי חושש צו זיין און זיך צו היטן, אָבער נישט צו גלייבן די מעשה.
און זע אויבן אין הלכות שמירת הלשון כלל ו' ווי אַזוי זיך צו פירן וועגן הערן, כדי יוצא צו זיין ידי שמים.