הלכות חפץ חייםהלכות לשון הרע, כלל י', סעיף י'
ווייס נאָך, אַז דערציילן לשון הרע אויף אַן עון בין אדם לחבירו איז גלייך ווי אויף אַן עבירה בין אדם למקום. אָבער ביי אַן עבירה בין אדם למקום, אַפילו אויב עס וועלן זיך אויספילן אַלע פּרטים וואָס זענען צוגעצייכנט אין סעיף ב', טאָר מען נישט דערציילן אויף אים, סיידן ער האָט געזען אויף אים אַז ער האַלט זיך ביי דער עבירה און האָט זי געטאָן עטליכע מאָל במזיד, און עס איז אַ זאַך וואָס איז באַקאַנט פאַר אַלעמען אַז עס איז אַן איסור.