הלכות חפץ חייםהלכות רכילות, כלל ב', סעיף ג'
יש אומרים אַז אויב איינער האָט דערציילט אַ גנות אויף זיין חבר פאַר דריי מענטשן, איז נישטאָ דערין קיין איסור רכילות אויב מען דערציילט פאַר דעם וואָס מען האָט אויף אים רכילות גערעדט, אַז מען האָט אויף אים רכילות גערעדט. און דער טעם איז – ווייל יעדע זאַך וואָס ווערט דערציילט פאַר דריי מענטשן, ווערט סוף כל סוף באַקאַנט. אָבער מען טאָר זיך נישט פאַרלאָזן אויף דער שיטה למעשה, ווייל אַ סך ראשונים זענען חולק אויף דער שיטה און האַלטן אַז אין יעדן פאַל איז אסור צו דערציילן פאַר אַן אַנדערן אַפילו עס איז דערציילט געוואָרן פאַר דריי, און כל שכן פאַר דעם וועגן וועמען מען האָט דערציילט אַליין.