הלכות רכילות, כלל ב', סעיף ב'

אַפילו אבק רכילות איז אסור צו דערציילן אויף קיין שום אופן. און אַפילו אויב דער אבק רכילות קען פאַרשטאַנען ווערן אויף צוויי אופנים, איינס פאַר אַ גנאי און דאָס אַנדערע נישט פאַר אַ גנאי, אַפילו אויב ער זאָגט עס אויף אַן אופן וואָס מען פאַרשטייט אַז דער ערשטער האָט נישט געמיינט צו דערציילן אויף אַ גנאי־אופן, פונדעסטוועגן אויב ער ווייסט אַז דער הערער וועט באַשולדיגן אַז דער ערשטער מספר האָט דערציילט אויף אַ גנאי־אופן – איז אסור אים צו דערציילן. ווייל ער זוכט אַ תואנה צו באַשולדיגן זיין חבר.