הלכות חפץ חייםהלכות רכילות, כלל ד', סעיף א'
דער איסור פון רכילות איז אויך ווען ער דערציילט אים נישט קיין נייע זאַך, נאָר ער ציט זיין אויפמערקזאַמקייט צו אַ זאַך וואָס מען האָט אים שוין געטון און ער האָט עס געוואוסט, און ער וועקט ווידער אויף די זאַך. למשל ער זאָגט צו ראובן "וואָס הערט זיך מיט דיין דין־תורה?", און ראובן ענטפערט "מען האָט פסק'נט אַזוי און אַזוי", און ער זאָגט אים "עס איז נישט שיין וואָס מען האָט דיר אַזוי פסק'נט" – איז עס אסור, ווייל דורך זיין רעדן ווערט געבוירן אַ נייע זאַך וואָס ברענגט שנאה אין ראובנס האַרצן אויף דעם פלוני וואָס איז געווען מיט אים אין דין.