הלכות חפץ חייםהלכות רכילות, כלל ו', סעיף ג'
און אויב ער האָט געהאַט אַ היזק אין זיין געשעפט און ער ווייסט נישט די סיבה, איז אסור חושד צו זיין אַ איד. און אויף דעם שטייט "בצדק תשפט עמיתך" (מיט גערעכטיגקייט זאָלסטו משפט'ן דיין חבר). און אַפילו אויב ער האָט געהערט אַז פלוני האָט אים גורם געווען דעם שאָדן, איז אסור צו גלייבן, נאָר חושש צו זיין. און אַפילו אויב מען האָט פלוני אין פנים אויפמערקזאַם געמאַכט אויף דער עוולה וואָס ער האָט געטון און ער האָט געשוויגן, איז דאָס נישט קיין ראיה אַז די זאַך איז אמת. ווייל אפשר האָט ער געזען אַז די הערער זענען אַזוי איבערצייגט אַז ער האָט געטון דעם עוול, און עס איז שוין בעסער צו זיין פון די "נעלבים ואינם עולבים" (די וואָס ווערן באַליידיגט און באַליידיגן נישט).