הלכות חפץ חייםהלכות רכילות, כלל ט', סעיף ד'
און הגם די זאַך איז אַ גרויסע מצוה און איז בכלל הבאת שלום, פונדעסטוועגן זאָל ער זיך זייער אַריינטראַכטן נישט זיך צו אייַלן צו דערציילן אַזאַ ענין. נאָר אויב ער ווייסט אַז נאָכדעם וואָס ער וועט דערציילן די זאַך וועט פלוני זיך היטן נישט צו גיין אַליין צו דעם און דעם אָרט, כדי יענער זאָל אים נישט שעדיגן, אָדער ער וועט געפינען אַן אַנדער עצה נישט געשעדיגט צו ווערן.
אָבער אויב ער ווייסט אַז ווען ער וועט דערציילן וועט פלוניס כעס זיך פאַרשטאַרקן, און ער וועט פאָרויסלויפן זיך צו קריגן מיט יענעם, און דורך דעם וועט קומען אַ גרעסערע מחלוקת, אין אַזאַ פאַל איז אסור אים צו דערציילן. און דערפאַר דאַרף מען זיך גוט אַריינטראַכטן לכתחילה צו דערציילן אויף אַן אופן וואָס וועט אַוועקנעמען דעם קריג און נישט אים פאַרגרעסערן.