הלכות חפץ חייםציורים, סעיף ט'
און אויב זיי האָבן שוין געשלאָסן דעם שידוך, און ער דערקענט לויט דעם ענין אַז דער מחותן וועט אָפּנאַרן דעם חתן אין דעם ענין פון נדן אָדער קעסט, איז עס תלוי. אויב ער זעט אַז דער חתן וועט נישט אָננעמען זיינע ווערטער נאָר בלויז אויף חושש צו זיין, אַז ער זאָל געפינען אַן עצה אַז דער מחותן זאָל אים נישט אָפּנאַרן, אָדער ער ווייסט אַז דער חתן וועט נישט טון קיין זאַך אויף זיין אייגענער האַנט נאָר לויט בית דין, מעג ער אים אַנטפּלעקן אויב אַלע פרטים זענען מקוים געוואָרן. אָבער אויב ער זעט אַז זיינע ווערטער וועלן אָנגענומען ווערן ביים חתן אַזוי אַז ער וועט גלייך בטל מאַכן דעם שידוך, איז אסור אים צו דערציילן. ווייל עס טרעפט זיך נישט אַז אַלע פרטים זאָלן זיך צוזאַמקומען.