הלכות חפץ חייםהלכות לשון הרע, כלל י', סעיף ו'
און צומאָל מעג מען דערציילן פאַר אַנדערע, אַפילו אויב עס איז נאָך נישט באַוואוסט געוואָרן פאַר דעם וואָס מען האָט אויף אים דערציילט – ווי למשל, אויב ער זעט אַז עס וועט אַרויסקומען אַ תועלת דערפון וואָס ער וועט דערציילן. ווי למשל: אויב ער וועט פריער דערציילן פאַר מענטשן אַז פלוני דערציילט אומזיסט דעם גנאי פון פלוני, וועלן זיי שפּעטער, ווען פלוני וועט קומען אים מגנה צו זיין פאַר זיי, וויסן אַז ער רעדט נאָר לשון הרע, וועלן זיי נישט אָננעמען זיינע ווערטער, און וועלן אים מוסר'ן. און אַזוי וועט ער אויך ראַטעווען דעם וואָס מען דערציילט אויף אים דעם לשון הרע פון שאַנד, און אויך די נשמה פונעם מספר און פונעם מקבל פונעם דין פון גיהנם; און זיי וועלן אויך מקיים זיין די מצות עשה פון "הוכח תוכיח".