הלכות חפץ חייםהלכות רכילות, כלל א', סעיף ו'
אַפילו אויב ער זעט אַז דורך דעם וואָס ער וועט נישט אַנטפּלעקן וועט אים אַרויסקומען אַ גרויסער היזק, למשל ער אַרבעט אונטער אַנדערע, און ווען זיי ווילן אַז ער זאָל זיי אַנטפּלעקן וואָס מען האָט געזאָגט אויף זיי און ער זאָגט נישט, וועלן זיי אים אַוועקשיקן פון זיין אַרבעט און ער וועט נישט האָבן קיין פרנסה פאַר זיין משפחה – אַפילו אין אַזאַ פאַל איז אסור צו דערציילן, אַזוי ווי ביי אַלע אַנדערע חייבי לאוין, וואו מען איז מחויב אַוועקצוגעבן אַלץ וואָס מען פאַרמאָגט און נישט עובר זיין אויף זיי.
סיידן אויב דורך דעם אַנטפּלעקן וועט זיין אַ תועלת אַוועקצונעמען די שאָדנס און אָפּצושטעלן דעם קריג. אָבער מען טאָר נישט אייַלן זיך צו פאַרלאָזן אויף דעם היתר, ווייל דערצו דאַרף מען אַ סך פרטים.