הלכות חפץ חייםהלכות לשון הרע, פתיחה – לאוין, ח ט
און א מאל איז דער מספר אויך עובר אויף דעם לאו (ויקרא י"ט, י"ח) פון "לא תקם ולא תטר" – זאלסט נישט נוקם זיין און נישט נוטר זיין. למשל, ער האט א שנאה אויף אים צוליב א זאך: ער האט אים געבעטן ער זאל אים טון א טובה, ווי א הלוואה און ענליך, און ער האט אים נישט געטון קיין גוטס, און צוליב דעם היט ער אים אפ א שנאה אין הארצן; און ווען ער זעט דערנאך אויף אים א גנאי, פארעפנטלעכט ער עס פאר מענטשן.
און ער איז פון אנהייב עובר מיטן אפהיטן אין הארצן, אויף דעם לאו פון "לא תטר"; און דערנאך, ווען ער איז זיך נוקם אין אים און ער דערציילט אויף אים צוליב דעם די גנאי וואס ער האט געזען אויף אים, איז ער אויך עובר אויף דעם לאו פון "לא תקם". נאר ער דארף אויסמעקן די זאך פון זיין הארצן.